Rydym yn gweithio ar y cyd â'n cymuned Aelodaeth QAA yng Nghymru ar draws ystod o weithgareddau sy'n benodol i Gymru i gefnogi’r ymrwymiad a rennir gennym i wella a chyfoethogi profiad dysgu myfyrwyr.

Gan weithio gyda'n partneriaid, rydym yn ceisio hyrwyddo buddiannau addysg uwch gyda'r llywodraeth, cyllidwyr a phartneriaid, yn ogystal â hyrwyddo partneriaeth a rhannu arfer da rhwng darparwyr.

Yn 2023-24, rydym yn gweithio mewn partneriaeth â’n haelodau i:

Yng Nghymru, Gogledd Iwerddon a’r Alban, mae gan aelodau fynediad at becyn aelodaeth QAA hollgynhwysol unigryw, sy’n cynnwys yn awtomatig gwasanaeth gwelliant International Insights gweithgareddau penodol ym mhob gwlad ddatganoledig a mynediad i’r hyn sydd ar gael i aelodau’r DU gyfan. Mae QAA wedi ymrwymo i gefnogi cydweithio rhwng y sectorau addysg uwch yng Nghymru, Gogledd Iwerddon a'r Alban i hyrwyddo partneriaeth a chyfleoedd i wella profiad myfyrwyr.

Mae rhagor o wybodaeth am Aelodaeth QAA 2023-24 yng Nghymru ar gael yn ein llyfryn. Isod fe welwch hefyd ein cytundeb aelodaeth, ynghyd â’n telerau ac amodau.

Dyma beth mae ein haelodau’n ei ddweud:

Mae Aelodaeth QAA yn darparu Prifysgol Bangor â’r rhwydweithiau cydweithredol a’r adnoddau sydd eu hangen arnom i ddarparu addysg drawsnewidiol i’n myfyrwyr. Rydym yn gwerthfawrogi eu hagwedd gydweithredol at godi safonau drwy drafodaeth golegol, ac rydym yn cydnabod eu rôl allweddol o ran cynnal uniondeb AU y DU yn rhyngwladol. Fel ein corff ansawdd dynodedig yng Nghymru, mae QAA yn datblygu dull ar gyfer gwelliant sy'n seiliedig ar dystiolaeth, a fydd yn darparu sylfaen gadarn ar gyfer gwelliannau traws-sector am flynyddoedd i ddod. 

Dr Myfanwy Davies, Pennaeth Gwella Ansawdd ac Uwch Ddarlithydd, Prifysgol Bangor