Christian Brodie yw Cadeirydd Bwrdd QAA. Mae ganddo radd yn y Gyfraith o Brifysgol Rhydychen. Cafodd yrfa yn y gyfraith fel cyfreithiwr cymwysedig yn gweithio yn Ninas Llundain ac Efrog Newydd ac wedi hynny ym maes gwasanaethau ariannol. Roedd yn Is-Gadeirydd Grŵp Busnes UBS cyn iddo ymddeol o wasanaethau ariannol yn 2013.

Ers 2013 mae wedi gwasanaethu fel cadeirydd sawl sefydliad, gan gynnwys fel Dirprwy Ganghellor Prifysgol Sussex, y Cwmni Benthyciadau Myfyrwyr, Partneriaeth Menter Leol De Ddwyrain Lloegr, Pentathlon GB, Fforwm Cadeiryddion Cyhoeddus, Cyngor UCAS a Sefydliad Chwaraeon y Gymanwlad. Mae hefyd wedi bod yn gyfarwyddwr Cymdeithas Cyflogwyr y Prifysgolion a’r Colegau, Bwrdd Cyn-fyfyrwyr Prifysgol Rhydychen a’r Rhwydwaith Partneriaethau Menter Lleol (LEP).

Ar hyn o bryd mae’n Gadeirydd United Learning, yr ymddiriedolaeth aml-academi fwyaf yn Lloegr, a Sefydliad Wates, sefydliad elusennol teuluol a sefydlwyd gan ei dad-cu, sydd wedi rhoi mwy na £150 miliwn i gefnogi’r sector elusennol yn Lloegr.

Cysylltiadau presennol â sefydliadau AU (ac eithrio cyflogaeth):                                                                   

Mae ei wraig, yr Athro Geraldine Brodie, yn Athro yng nghyfadran y celfyddydau a dyniaethau yng Ngholeg Prifysgol Llundain.

Cysylltiadau â chyrff proffesiynol ac yn seiliedig ar bwnc:                                                             

 Cymhwysodd fel cyfreithiwr yn 1981.

Cysylltiadau â chyrff eraill:

Dim.

Jimena yw Llywydd Undeb Myfyrwyr Prifysgol Caerfaddon, ac mae hi’n aelod annibynnol ar Fwrdd QAA.

Cafodd Jimena ei geni a'i magu yn Caracas, Venezuela, lle bu'n byw nes oddi gwblhau ei haddysg yn yr ysgol. Treuliodd flwyddyn yn gwirfoddoli yng Ngholombia a symudodd i’r DU ar gyfer ei hastudiaethau israddedig yn 2020. Graddiodd Jimena o Brifysgol Caerfaddon gyda gradd BSc mewn Gwleidyddiaeth a Chysylltiadau Rhyngwladol yn 2023. Yn yr un flwyddyn, cafodd ei hethol fel y Llywydd â statws tramor cyntaf yn Undeb Myfyrwyr Prifysgol Caerfaddon, ac mae bellach yn ei hail dymor fel Llywydd yr UM. Rhan o rôl Jimena fel Llywydd yw bod yn gadeirydd bwrdd ymddiriedolwyr Undeb y Myfyrwyr, yn ogystal â bod yn un o’r llywodraethwyr ar Gyngor y Brifysgol (mae hi hefyd yn eistedd ar bwyllgor cyllid, cydnabyddiaeth ariannol ac enwebiadau’r Brifysgol). Mae Jimena yn angerddol iawn am y sector AU, ac yn arbennig am sut i ddarparu cyfle cyfartal i fyfyrwyr o bob math o wahanol gefndiroedd. Mae cynrychioli myfyrwyr rhyngwladol ar lefel leol, ranbarthol a chenedlaethol wedi bod yn un o’i blaenoriaethau ers iddi ddechrau yn ei rôl fel Llywydd.

Yr Athro Nic Beech yw Is-Ganghellor Prifysgol Middlesex, a chyn hynny roedd yn Is-Bennaeth ym Mhrifysgol St Andrews a Phrofost Prifysgol Dundee.

Nic yw Llywydd Academi Rheolaeth Prydain a Thrysorydd Mygedol Academi'r Gwyddorau Cymdeithasol. Mae ei waith ymchwil yn canolbwyntio ar hunaniaeth, amrywiaeth, arwain newidiadau, a dysgu, ac mae wedi gweithio'n eang â'r diwydiant, yn benodol y diwydiannau creadigol ac iechyd. Mae wyth llyfr Nic yn cynnwys: Managing Creativity (Caergrawnt, 2010), Organising Music (Caergrawnt, 2015), Managing Change (Caergrawnt, 2017) ac Impact in Business and Management Research (Routledge, 2021).

Mae Nic wedi bod yn Athro Gwadd yn y DU, yr Iseldiroedd ac Awstralia, ac mae'n Gymrawd neu Gymrodor Academi Rheolaeth Prydain, Academi'r Gwyddorau Cymdeithasol, Cymdeithas Frenhinol y Celfyddydau, y Sefydliad Rheolaeth Siartredig, y Sefydliad Siartredig Personél a Datblygu ac Academi Rheolaeth Awstralia a Seland Newydd.

Cysylltiadau cyfredol â sefydliadau addysg uwch (ac eithrio gwaith cyflogedig):

Dim

Cysylltiadau â chyrff proffesiynol a chyrff pwnc-benodol:

Aelod o fwrdd London Higher, Cadeirydd AccessHE

Cysylltiadau â chyrff eraill:

Academi Rheolaeth Prydain, Academi'r Gwyddorau Cymdeithasol, y Sefydliad Siartredig Personél a Datblygu, Cymdeithas Frenhinol y Celfyddydau

Mae Caroline newydd gael ei phenodi fel aelod annibynnol o'r Bwrdd. Mae ganddi bortffolio o rolau fel cyfarwyddwr anweithredol, ymddiriedolwr a llywodraethwr mewn addysg uwch, mynediad ac ysgolion, ac ar hyn o bryd mae hi’n gynghorydd i AccessEd ac yn llywodraethwr yn Ysgol Copthall yng ngogledd Llundain. Tan yn ddiweddar, roedd yn aelod o’r Bwrdd ac yn ymddiriedolwr The Brilliant Club ac yn aelod annibynnol o Gyngor Prifysgol Cranfield (yr unig sefydliad ôl-raddedig yn y DU). Mae Caroline hefyd wedi bod yn ddeon gweithredol mewn ysgol y gyfraith ar gyfer ôl-raddedigion ym Mhrifysgol y Gyfraith yn Llundain. Dilynodd y rolau hyn ei gyrfa hir a helaeth fel uwch bartner ecwiti gydag Ashurst LLP, cwmni cyfreithiol byd-eang, lle bu ganddi nifer o rolau arweinyddiaeth.

Astudiodd Caroline Saesneg ym Mhrifysgol Llundain a chwblhaodd ei chymwysterau cyfreithiol ôl-raddedig yng Ngholeg y Gyfraith (Prifysgol y Gyfraith bellach) yn Llundain.

Mae Dr Fazal Dad wedi bod yn Bennaeth a Phrif Weithredwr Coleg Blackburn ers Ionawr 2019. Gyda thros 30 mlynedd o brofiad mewn addysg bellach, mae wedi gweithio mewn tri sefydliad AB gwahanol yng Ngorllewin Canolbarth Lloegr.

Mae Fazal wedi dal swyddi gan gynnwys Darlithydd Rhan-amser, Uwch Ddarlithydd, Pennaeth Adran, Pennaeth Cynorthwyol a Dirprwy Bennaeth. Cyn hynny, cwblhaodd brentisiaeth mewn Peirianneg Drydanol a gweithiodd yn y sector preifat am wyth mlynedd yn y diwydiant peirianneg drydanol.

Mae gan Fazal ddwy radd meistr a PhD mewn Arweinyddiaeth a Rheolaeth o Brifysgol Caerwrangon. Mae wedi cymryd rhan mewn amryw o baneli arbenigol ac wedi helpu i lunio polisi cenedlaethol ar Raglenni Astudio, Safonau Addysgu Proffesiynol a’r Adolygiad Mathemateg Ôl-16. Mae Fazal hefyd wedi bod yn adolygydd gyda QAA ac mae'n Arolygydd Ofsted rhan-amser.

Phil Deans yw Uwch Gyfarwyddwr Annibynnol QAA, ac mae hefyd yn Llywydd ac Is-Ganghellor Prifysgol Americanaidd Richmond Llundain. Cyn hyn, bu’n gwasanaethu fel Profost Richmond rhwng 2011 a 2019, lle bu’n arwain y cais llwyddiannus am Bwerau Dyfarnu Graddau a Addysgir, a chofrestriad gyda’r Swyddfa Myfyrwyr.

Mae gan Phil BA mewn Gwleidyddiaeth ac Astudiaethau Dwyrain Asia a PhD mewn Cysylltiadau Rhyngwladol o Brifysgol Newcastle upon Tyne. Ef oedd y cyntaf yn ei deulu i fynd i mewn i addysg uwch, ac roedd yn ffodus i gael y cyfle i ddysgu Tsieinëeg a Siapanëeg yn y brifysgol; mae'n awyddus i wneud cyfleoedd rhyngwladol tebyg yn agored i fyfyrwyr.

Cyn ymuno â Richmond, roedd yn Brif Swyddog Academaidd ar Gampws Tokyo ym Mhrifysgol Temple, yn Gyfarwyddwr Athrofa Tsieina Gyfoes a Deon Cyswllt yn Ysgol Astudiaethau’r Dwyrain ac Affrica, Prifysgol Llundain, ac yn Ddarlithydd mewn Gwleidyddiaeth Dwyrain Asia ym Mhrifysgol Caergaint.

Mae Phil hefyd yn gwasanaethu ar y Bwrdd Addysg Uwch Annibynnol, lle mae'n gyd-Gadeirydd ei Bwyllgor Rhyngwladol.

Ymunodd Alex Fraser â Sefydliad Bancio a Chyllid Llundain (Coleg Prifysgol IFS gynt) fel Prif Weithredwr ym mis Mawrth 2015 o Ysgol Fusnes Cass, Prifysgol Dinas Llundain, lle bu’n Brif Swyddog Gweithredu am chwe blynedd.

Mae ei yrfa wedi cwmpasu rolau rheoli yn y sectorau preifat, cyhoeddus a gwirfoddol. Treuliodd 10 mlynedd yn gweithio i nifer o fanciau buddsoddi mewn amrywiaeth o rolau gweithredol; ei swydd olaf o'r fath oedd Pennaeth Gweithrediadau Schroders ar ddiwedd y 1990au.

Penodwyd Alex yn Gyfarwyddwr Logisteg yn adran Tollau Tramor a Chartref EM yn 2000, ac wedi hynny bu’n gweithio i nifer o sefydliadau yn y sector nid-er-elw cyn ymuno â Cass yn 2009. Mae Alex wedi gwasanaethu fel aelod annibynnol o Bwyllgor Archwilio a Risg Coleg Prifysgol Rheoli Ystadau (UCEM) ers 2017.

Yr Athro Rachid Hourizi yw Cyfarwyddwr yr Institute of Coding (IoC) ers ei lansio ym mis Ionawr 2018. Mae'r IoC yn gydweithrediad cenedlaethol llwyddiannus rhwng mwy na 300 o gyflogwyr a 35 o brifysgolion sy'n gweithio gyda'i gilydd i weddnewid addysg uwch a darparu cyrsiau a rhaglenni newydd i ddatblygu sgiliau digidol er mwyn helpu mwy o ddysgwyr o gefndiroedd mwy amrywiol i fynd i mewn i yrfaoedd ym maes technoleg. Trwy ei ymgysylltiad arobryn a chynhwysol â dysgwyr, mae'r IoC wedi cofrestru 900,000 o ddysgwyr o gefndiroedd amrywiol hyd yn hyn. Cyn ei rôl bresennol, bu Rachid yn gweithio am ddeng mlynedd fel masnachwr nwyddau ac ar y marchnadoedd ariannol yn Llundain, Paris, Genefa ac UDA, cyn iddo gymryd ei swydd gyntaf ym Mhrifysgol Caerfaddon.

Mae Dr Lucy Jones yn Is-Bennaeth Datblygiad Academaidd yn y brifysgol newydd yn Peterborough. Mae gan Lucy dros 25 mlynedd o brofiad eang ar draws arweinyddiaeth AU, gan gynnwys addysg gynhwysol, gwella ansawdd a chanlyniadau mewn addysg, allgymorth yn enwedig mewn pynciau STEM a gweithio mewn partneriaeth yn y DU ac yn rhyngwladol. Mae’n angerddol dros gefnogi pobl ifanc i gael mynediad i addysg uwch a hyrwyddo symudedd cymdeithasol a dysgu gydol oes. Mae gan Lucy ddiddordeb arbennig mewn cynorthwy menywod i gael mynediad at gyfleoedd mewn gwyddoniaeth a pheirianneg, ac mae’n gweithio gyda nifer o sefydliadau cenedlaethol a rhyngwladol i hyrwyddo cydraddoldeb rhywedd.

Richard Khaldi yw Cyfarwyddwr y Siambr ar gyfer Siambrau Maitland, un o siambrau Bargyfreithwyr amlycaf y DU.

Astudiodd Richard y gyfraith yng Nghaergrawnt a dechreuodd ei yrfa yn gweithio fel cyfreithiwr llys yn Ninas Llundain. Gan adael practis preifat yn 2005, treuliodd Richard dros ddegawd yn gweithio i Lywodraeth yr Alban a Llywodraeth y DU fel rheoleiddiwr economaidd yn y sector dŵr, yn ddiweddarach fel Uwch Was Sifil ac aelod o Fwrdd Ofwat. Yn ystod ei gyfnod gyda’r Llywodraeth, astudiodd Richard yn rhan-amser hefyd ac yn 2011 dyfarnwyd MBA iddo gan Ysgol Fusnes Booth, Prifysgol Chicago.

Gadawodd Richard y Llywodraeth yn 2017 a daeth yn Gyfarwyddwr gyda PA Consulting, sef cwmni ymgynghori ym maes arloesedd a thrawsnewid, gan weithio gyda chleientiaid yn y sector preifat a chyhoeddus. Ymunodd Richard â Siambrau Maitland ar ddechrau 2020 i ddod â’i yrfa mewn cylch llawn, gan weithio ochr-yn-ochr â bargyfreithwyr yr oedd yn arfer eu cyfarwyddo pan oedd mewn practis preifat. 

Mae'r Athro Karl Leydecker FRSE wedi bod yn Uwch-Is-Bennaeth ym Mhrifysgol Aberdeen ers mis Mawrth 2019. Cyn hynny, roedd yn Is-Bennaeth (Dysgu ac Addysgu) ym Mhrifysgol Dundee. Mae ganddo gefndir academaidd mewn Almaeneg a Llenyddiaeth Gymharol.

Penodwyd Karl gan y sector addysg uwch yn yr Alban i arwain Thema Gwelliant QAA Scotland ar gyfer 2017-20 dan y teitl 'Tystiolaeth ar gyfer Gwelliant: Gwella Profiad y Myfyrwyr', a bu'n gwasanaethu ar amrywiaeth o bwyllgorau yn yr Alban a'r DU yn ymwneud â sicrhau ansawdd, gwella ansawdd a gwybodaeth i fyfyrwyr.

Yn ddiweddar, bu Karl yn gwasanaethu fel aelod o'r Tasglu Dyfodol Addysg Uwch yn Academi Frenhinol Iwerddon, ac roedd yn aelod o Grŵp Dyfodol Addysg Drydyddol yng Nghymdeithas Frenhinol Caeredin.

Cysylltiadau cyfredol â sefydliadau addysg uwch (ac eithrio gwaith cyflogedig):

Mae ei ferch yn astudio yng Ngholeg Cerdd Brenhinol y Gogledd ym Manceinion. Mae ei chwaer yn aelod o Gyngor Prifysgol Nottingham.

Cysylltiadau â chyrff eraill:

Cymrawd Cymdeithas Frenhinol Caeredin.

Mae'r Athro Mirjam Plantinga wedi bod yn Ddirprwy Is-Ganghellor ym Mhrifysgol Cymru y Drindod Dewi Sant ers 2022.

Cyn hynny, gyda chefndir yn y Clasuron, mae Mirjam wedi dal swyddi fel Deon Cyfadran y Dyniaethau a Dirprwy Is-Ganghellor Cyswllt ar gyfer Profiad Myfyrwyr ac yna Profiad Academaidd. Mae Mirjam yn gyfrifol am addysg ar draws y Brifysgol sy'n cynnwys dysgu, addysgu sicrwydd ansawdd a gwelliant. Mae hi'n cynrychioli'r Brifysgol ar rwydwaith Dysgu ac Addysgu Dirprwy Is-Gangellorion Prifysgolion Cymru. Mae hi wedi arwain adolygiadau gan QAA, Ofsted ac Estyn o'r Brifysgol.

Mae gan Dani Saghafi dros ddau ddegawd o brofiad mewn arwain gwaith ymchwiliol ym maes uno sefydliadau a chaffael, gan ddarparu datrysiadau ariannol a gweithredol i gleientiaid rhyngwladol. Mae hi'n ymwneud yn weithredol â rolau llywodraethiant, yn eistedd ar Gyngor Llywodraethu Cymdeithas y Cyfrifwyr Ardystiedig Siartredig (ACCA). Mae hi hefyd yn aelod o Bwyllgor Technegol Cyfadran Gyllid Sefydliad y Cyfrifwyr Siartredig yng Nghymru a Lloegr (ICAEW), gan gyfrannu at bolisi cenedlaethol a datblygu safonau.

Mae Dani yn Gymrawd Gyfrifydd Ardystiedig Siartredig, ac mae’n gwasanaethu ar y Senedd ac fel Athro Cyswllt ym Mhrifysgol Brunel, Llundain.

Mae'r Athro John Sawkins yn Ddirprwy Is-Ganghellor/Dirprwy Bennaeth (Dysgu ac Addysgu) ym Mhrifysgol Heriot-Watt.

Mae ganddo gefndir fel economegydd â diddordebau ymchwil yn rheoleiddiad economaidd y diwydiant dŵr, gyda chyfeiriad penodol at brisiau, fforddiadwyedd a dyled dŵr. Mae wedi gwasanaethu fel aelod o gyrff cwsmeriaid y diwydiant dŵr ac mae wedi cynghori cyrff rheoleiddio economaidd yn yr Alban a gweddill y DU.

Ar hyn o bryd, mae John yn gyfrifol am arwain a gweithredu'r strategaeth dysgu ac addysgu, ac am sicrhau a gwella ansawdd academaidd ym Mhrifysgol Heriot-Watt gyfan. Mae ei brofiad ym maes sicrhau ansawdd yn allanol yn cynnwys gweithio fel adolygwr i QAA Scotland mewn Adolygiadau Sefydliadol i Sicrhau Gwelliant.

Cysylltiadau cyfredol â sefydliadau addysg uwch (ac eithrio gwaith cyflogedig):

Mae ei blant yn astudio ym Mhrifysgol Caeredin.

Cysylltiadau â chyrff proffesiynol a chyrff pwnc-benodol:

Aelod o'r Pwyllgor Sefydlog Asesu Ansawdd i'r DU, Cymrawd yr Academi Addysg Uwch

Cysylltiadau â chyrff eraill:

Ymddiriedolwr-gyfarwyddwr Eglwys Fethodistaidd Dinas Caeredin, aelod o Gymdeithas Beibl yr Alban

Peter Vermeulen yw Prif Swyddog Ariannol (CFO) Prifysgol Bryste. Dechreuodd ei yrfa ym maes archwilio a sicrwydd gyda PricewaterhouseCoopers, ac wedi hynny bu'n gweithio yn y sector bancio ac addysg uwch. Gadawodd ei swydd fel Dirprwy Is-Ganghellor (Cyllid) ym Mhrifysgol Middlesex i ymuno â'r Ymddiriedolaeth Genedlaethol fel Prif Swyddog Ariannol am saith mlynedd. Ymunodd Peter â thîm gweithredol Prifysgol Bryste ym mis Awst 2023 ac mae'n gyfrifol am arweinyddiaeth ariannol y sefydliad.

Cymhwysodd fel cyfrifydd yn 2002 ac mae'n Gymrawd Sefydliad Cyfrifwyr Siartredig Cymru a Lloegr. Bu Peter hefyd yn gweithio fel ymddiriedolwr a chyfarwyddwr anweithredol i’r elusen addysg ar lawr gwlad, ELATT, am naw mlynedd.