Gan adeiladu ar adborth helaeth a gasglwyd o bob rhan o'r DU, mae QAA bellach yn cynnal ymgynghoriad ffurfiol ar fersiwn arfaethedig y Côd Ansawdd ar gyfer 2024. Gallwch ddarganfod mwy am waith QAA i adolygu a diwygio'r Côd Ansawdd yn y ddogfen ymgynghori.

Mae’r model diwygiedig yn cynrychioli newid sylweddol o gymharu â fersiwn 2018 o’r Côd Ansawdd. Mae’n cynnig mwy o wybodaeth i ddarparwyr wrth ystyried eu hymagwedd at ansawdd a safonau, ond mae’n cadw trosolwg cryno a chlir o’r hyn y gall darparwyr ei ddisgwyl ganddynt hwy eu hunain ac oddi wrth ei gilydd.

Mae’r Egwyddorion y Cytunwyd arnynt gan y Sector a’r Arferion Allweddol sy’n perthyn iddynt wedi’u rhannu’n dri maes craidd: Ymagwedd strategol, Gwerthuso ansawdd a safonau, a Gweithredu'r ymagwedd at wella ansawdd a safonau, fel y dangosir isod.