Neidio i'r prif gynnwys Datganiad Hygyrchedd
Hafan Amdanom ni Prif feysydd ein gwaith Ein gwaith yng Nghymru Gwella profiad myfyrwyr yng Nghymru Prosiectau Gwelliant Cydweithredol
Gwella profiad myfyrwyr yng Nghymru
Trwy drefniadau grant gyda CCAUC - sy'n Medr erbyn hyn - amae QAA wedi cefnogi Prosiectau Gwelliant Cydweithredol ym meysydd cydraddoldeb, amrywioldeb a chynhwysiant; dysgu digidol; a micro-gymwysterau.

Prif nodweddion graddedigion yng Nghymru

A group of three women working at a laptop

Nod y prosiect Priodoleddau Graddedigion oedd nodi a deall pa nodweddion graddedigion sy'n cael eu gwerthfawrogi fwyaf gan gyflogwyr. Beth yw'r priodoleddau allweddol i raddedigion yng Nghymru sy'n eu helpu i sefyll allan yn y farchnad genedlaethol a byd-eang? Beth all sefydliadau addysg uwch ei wneud i alinio canlyniadau addysg yn well â disgwyliadau cyflogwyr?

 

Roedd y prosiect yn fenter ar y cyd rhwng prifysgolion a choleg yng Nghymru dan arweiniad yr Athro Fay Short ym Mhrifysgol Bangor. Trwy arolwg cyflogwyr ar raddfa eang, holiaduron myfyrwyr a grwpiau ffocws, mae'r adroddiad cynhwysfawr hwn yn cynnig cipolwg gwerthfawr ar dirwedd priodoleddau graddedigion yng Nghymru. Datgelodd y prosiect anghysondebau sylweddol rhwng y sgiliau y mae cyflogwyr yn gosod gwerth arnynt a'r sgiliau y mae myfyrwyr yn credu eu bod yn eu dysgu. Mae'r adroddiad yn gwneud nifer o argymhellion i fynd i'r afael â'r heriau hyn ac alinio canlyniadau addysgol yn well â disgwyliadau cyflogwyr. 


Prosiect Gwella Cydweithredol QAA Cymru | Adroddiad Nodweddion Graddedig 2024

Dyddiad cyhoeddi: 19 Tach 2025

Disgrifiad Cuddio'r disgrifiad Dangos

Prosiect Cymru Gyfan ar Ddatblygu’r Cwricwlwm 'Llunio Cwricwla'

Mae'r Prosiect Cymru Gyfan hwn ar Ddatblygu’r Cwricwlwm wedi cael ei arwain gan Brifysgol Bangor mewn partneriaeth â Phrifysgol Caerdydd, Prifysgol Wrecsam, Prifysgol Abertawe a Phrifysgol Technoleg Queensland.

 

Archwiliodd y prosiect gyda rhanddeiliaid AU ac AB sut y gall dylunio’r cwricwlwm a phrosesau dilysu wella gwerth profiad dysgu myfyrwyr.

 

Aeth y prosiect hefyd ati i archwilio sut y gellid alinio prosesau dylunio a dilysu’r cwricwlwm yn well i hwyluso gweithio mewn partneriaeth yng Nghymru. Mae'r adroddiad yn gwneud nifer o argymhellion ar gyfer gwaith ar y cyd yn y dyfodol a fyddai o gymorth i ddylunio’r cwricwlwm ymhellach ledled Cymru. 

Prifysgol Bangor / Bangor University

Prosiect Cymru-gyfan 'Llunio Cwricwla'

Dyddiad cyhoeddi: 29 Medi 2025

Disgrifiad Cuddio'r disgrifiad Dangos

Rhagoriaeth o ran Cydraddoldeb, Amrywioldeb a Chynhwysiant o fewn Addysg Uwch: Taith Ysgolion Busnes Cymru

Mae’r prosiect yn archwilio'r heriau o ran cydraddoldeb, amrywioldeb a chynhwysiant (EDI) sy'n wynebu Ysgolion Busnes Cymru a'r arferion y maent wedi'u datblygu er mwyn mynd i'r afael â hwy. Fe’i harweiniwyd gan Brifysgol Abertawe mewn partneriaeth â thimau o Brifysgol Aberystwyth, Prifysgol Bangor, Prifysgol Metropolitan Caerdydd, Prifysgol Caerdydd, Prifysgol Wrecsam, Prifysgol De Cymru a Phrifysgol Cymru y Drindod Dewi Sant.

 

Roedd y prosiect yn cynnwys myfyrwyr ac aelodau staff mewn cyfres o weithdai a nododd gasgliad o themâu allweddol, ac yna datblygu fframwaith ar gyfer gwreiddio blaenoriaethau EDI mewn amgylcheddau addysg uwch.

 

Un o allbynnau'r prosiect yw llawlyfr sy'n olrhain datblygiad ystod o fentrau EDI trwy gyfres o astudiaethau achos byr. Mae'r rhain yn cynnwys trafodaethau am y rhwydwaith LHDTC+ yn Abertawe, gwaith ar lesiant ac ymdrechion cydraddoldeb hiliol yng Nghaerdydd, hyder anabledd a chefnogaeth i fyfyrwyr rhyngwladol ym Mangor, a chamau gweithredu i gefnogi myfyrwyr a staff Moslemaidd ym Mhrifysgol De Cymru.

 

Gallwch ddarllen y llawlyfr rhyngweithiol ar wefan Prifysgol Abertawe.

 

Ewch i wefan y prosiect

Y Gydweithfa Gymreig: Gwella Dysgu ac Addysgu Digidol

Mae’r prosiect dysgu drwy drochi, Y Gydweithfa Gymreig: Gwella Dysgu ac Addysgu Digidol, wedi’i ddatblygu gan Rwydwaith Dysgu ac Addysgu Prifysgolion Cymru, i fwrw ymlaen â gwaith y Gronfa Buddsoddiad ac Adferiad Addysg Uwch (HEIR) CCAUC. Mae’r prosiect yn cael ei arwain gan Brifysgol Cymru y Drindod Dewi Sant ac mae’n cynnwys holl brifysgolion Cymru. Nod y prosiect yw cynnal a gwella dysgu digidol ymhellach, gyda ffocws penodol ar ddysgu drwy drochi. Datblygodd y prosiect ddigwyddiad rhwydweithio cydweithredol ar gyfer dysgu drwy drochi, i gynorthwyo â dysgu a rhannu arfer ar draws Cymru gyfan.

 

Mae darparwyr a gymerodd ran yn y digwyddiad wrthi ar hyn o bryd yn datblygu astudiaethau achos, a fydd yn cael eu cyhoeddi ar Wefan QAA yn 2023-24. Darllenwch blog Steph Tindall am rai o’r uchafbwyntiau a phynciau trafod allweddol o’r digwyddiad.

 

Bydd y prosiect a’r rhwydwaith hwn yn parhau drwy gyllid Grant CCAUC yn 2023-24.  

 

Darllenwech y blog

Gweithredu Fframwaith Cynllunio Micro-gymwysterau

Mae'r prosiect micro-gymwysterau, Gweithredu Fframwaith Cynllunio Micro-gymwysterau, wedi cael ei arwain gan Brifysgol Metropolitan Caerdydd mewn partneriaeth â Phrifysgol Wrecsam a Choleg Gŵyr Abertawe. Prif nod y prosiect oedd datblygu dealltwriaeth o'r anawsterau systemig a fydd yn effeithio ar ddatblygiad y ddarpariaeth o ficro-gymwysterau mewn addysg uwch, drwy fireinio model ar gyfer cynllunio, cymeradwyo a gweithredu micro-gymwysterau. Cyflwynodd arweinydd y prosiect yn y weminar micro-gymwysterau ar 24ain Mai.