Mae'r Asiantaeth Sicrhau Ansawdd Addysg Uwch (QAA) yn elusen annibynnol sy'n gweithio er budd y myfyrwyr a'r sector addysg uwch, ac mae'n un o arbenigwyr blaenllaw'r byd ym maes sicrhau ansawdd. Mae darparwyr addysg uwch a chyrff rheoleiddio'n ymddiried ynom ni i gynnal a gwella ansawdd a safonau. Rydym yn gweithio gyda llywodraethau, asiantaethau a sefydliadau drwy'r byd i gyd er budd addysg uwch y DU a'i henw da'n rhyngwladol.
Newyddion
Adolygiad ansawdd porth: cymru - mae llawlyfr y dull wedi ei gyhoeddi erbyn hyn
Dyddiad: | Awst 2 - 2018 |
---|
Ar ran Cyngor Cyllido Addysg Uwch Cymru (CCAUC), mae QAA wedi cyhoeddi'r llawlyfr ar gyfer Adolygiad Ansawdd Porth: Cymru.
Mae'r broses Adolygiad Ansawdd Porth yn elfen allweddol o'r Fframwaith Asesu Ansawdd ar gyfer Cymru.
Lluniwyd y dull i:
- sicrhau bod buddiannau'r myfyrwyr yn cael eu diogelu
- sicrhau bod enw da system addysg uwch y DU yn cael ei ddiogelu, gan gynnwys diogelu safonau academaidd
- bennu meysydd sydd angen eu datblygu a/neu welliannau penodol a fydd yn helpu'r darparwr i fodloni'r gofynion rheoleiddiol sylfaenol.
Trwy gyfrwng yr adolygiad, bydd QAA yn cynnig sicrwydd allanol annibynnol ac yn darparu beirniadaeth arbenigol i CCAUC am y ffordd y mae darparwyr yn dangos eu cydymffurfiad â'r gofynion ansawdd sylfaenol ar gyfer addysg uwch yng Nghymru. Yn y broses adolygu, defnyddir cyngor arbenigol gan dimau adolygwyr sy'n gymheiriaid, ac mae'r rhain yn cynnwys adolygwyr sy'n fyfyrwyr.
Bydd modd i ddarparwyr ddefnyddio canlyniadau llwyddiannus Adolygiadau Ansawdd Porth fel tystiolaeth i ddangos bod ansawdd eu darpariaeth addysg uwch wedi'i sicrhau yn erbyn y gofynion rheoleiddiol sylfaenol pan fyddent yn gwneud cais am ddynodiad penodol neu Gynllun Mynediad a Ffioedd.