Micro-gymwysterau: Y teclyn na chaiff ei ddefnyddio ddigon ar gyfer datblygu'r gweithlu
Dyddiad cyhoeddi: 12 Tach 2025
Mae micro-gymwysterau yn gymwysterau bach sy’n dwyn credyd, ac sy’n seiliedig ar ddeilliannau. Er mwyn ennill micro-gymhwyster, caiff dysgwyr eu hasesu i ddangos eu bod wedi cyflawni'r deilliannau dysgu. Mae rhagor o wybodaeth ar gael yn y Datganiad o Nodweddion Micro-gymwysterau a'r Canllaw Arfer Da ar gyfer Micro-gymwysterau a Chymwysterau Bach yn yr Alban.
Grŵp Diddordeb Arbennig Micro-gymwysterau
Mae’r Grŵp Diddordeb Arbennig Micro-gymwysterau (MIC.SIG) a ariennir gan Medr yn Weithgor Trydyddol ar draws Cymru, Gogledd Iwerddon a’r Alban dan gadeiryddiaeth Steve Osborne, Prif Ddarlithydd Datblygiad Proffesiynol a Gweithlu, ym Mhrifysgol Metropolitan Caerdydd. Mae'r MIC.SIG wedi'i sefydlu trwy drefniadau grant QAA gyda Medr i gynorthwyo â datblygiad a rhannu arfer ym maes micro-gymwysterau sy'n datblygu'n gyflym ar draws addysg uwch ac addysg bellach.
Prif amcanion MIC.SIG yw:
- Cynorthwyo’r sector trydyddol i sicrhau bod myfyrwyr a dysgwyr micro-gymwysterau’n derbyn addysg o’r ansawdd uchaf posibl yn unol â darpariaeth addysg drydyddol draddodiadol arall.
- Cyfrannu at ddatblygu rhagoriaeth, annibyniaeth, ac ymddiriedaeth yn y gwaith o sicrhau ansawdd a gwella darpariaeth ficro-gymwysterau gan ddefnyddio meysydd y mae QAA yn canolbwyntio arnynt, sef safonau, arweinyddiaeth a sicrwydd ansawdd a gwelliant fel sylfaen i arwain gwaith MIC.SIG.
- Hyrwyddo defnydd o'r Datganiad o Nodweddion Micro-gymwysterau i ddarparwyr addysg drydyddol sy’n datblygu a chynnal darpariaeth ficro-gymwysterau, yn ogystal â chefnogi unrhyw ddatblygiadau pellach i’r Datganiad.
I helpu gyda'r nodau hyn, mae MIC.SIG yn cyfrannu at amryw o weithgareddau i ddarparu gwybodaeth a rhannu arfer da ar ddatblygu a darparu micro-gymwysterau.
Gweler taflen ffeithiau a Cwestiynau Cyffredin i ddarparu disgrifiad byr o micro- gymwysterau i chi neu i'w rannu gyda chydweithwyr. Mae’n bosibl hefyd y bydd y tabl crynodeb byd-eang yn ddefnyddiol i chi fel trosolwg byr (iawn) o ficro-gymwysterau ledled y byd.
Rydym ar hyn o bryd yn cynnal ein harolwg o Dirwedd 2025 er mwyn creu ciplun o’r micro-gymwysterau sydd ar gael ar draws Cymru, Gogledd Iwerddon a gweddill y DU. A fyddech cystal â chwblhau’r arolwg byr sydd ar agor tan 30ain Tachwedd.
Rydym wedi cynnal tair gweminar ers Mai 2024 – mae crynodebau a recordiadau o’r rhain ar gael isod.
Ymgysylltiad cyflogwyr
Er mwyn deall anghenion uwchsgilio'r gweithlu a DPP yn well, fe wnaethom wahodd cyrff proffesiynol, statudol a rheoleiddiol (PSRBs) a chyflogwyr i rannu eu barn ar rôl a pherthnasedd micro-gymwysterau. Mae canlyniadau a mewnwelediadau a gasglwyd o'r arolygon hyn wedi'u crynhoi yn yr adroddiad byr hwn a byddant yn llywio ein gwaith yn y dyfodol yn y maes hwn. Diolch i bawb a gyfrannodd.
Rydym hefyd wedi bod yn gweithio gyda Siambrau Masnach Prydain i gynorthwyo ag ymwybyddiaeth cyflogwyr o ficro-gymwysterau - gallwch weld ein herthygl ar y cyd yma.
Rydym hefyd wedi creu Taflen Ffeithiau fer ar Ficro-gymwysterau, ar gyfer cyflogwyr, i golegau a phrifysgolion ei rhannu â'u partneriaid ymysg cyflogwyr. Mae'r disgrifiad symlach o ficro-gymhwyster wedi'i gloi a gall darparwyr ychwanegu eu manylion cyswllt a'u logo at waelod y dudalen cyn ei rhannu â'u cysylltiadau.
Os ydych chi'n defnyddio'r daflen ffeithiau, byddem yn croesawu unrhyw adborth gennych chi a/neu'ch partneriaid ymysg cyflogwr. Cysylltwch â ni yn nations@qaa.ac.uk.
Micro-gymwysterau: Manteision i fusnesau a gweithwyr
Dyddiad cyhoeddi: 02 Mai 2025
Astudiaethau achos
Rydym hefyd yn arddangos yr ystod eang o ddatblygiadau, ymarfer a modelau cyflwyno micro-gymwysterau trwy gyfres o astudiaethau achos. Bydd astudiaethau achos ychwanegol yn cael eu hychwanegu yma wrth iddynt ddod ar gael.
Micro-gymwysterau Meddwl Creadigol a Beirniadol
Gallwch ddarganfod sut y datblygodd Coleg Caeredin gyfres o gymwysterau unigryw i adeiladu meta-sgiliau a strategaethau meddwl ar gyfer dysgwyr ac addysgwyr – o ddisgyblion cynradd i hyfforddwyr yr heddlu.
Gwreiddio micro-gymwysterau o fewn strategaeth sgiliau
Gallwch ddysgu sut mae Coleg Cambria’n gwreiddio dysgu modiwlaidd yn ei Strategaeth Addysg Uwch a Sgiliau Technegol – gan agor llwybrau hyblyg wedi’u halinio â chyflogwyr ar gyfer dysgwyr sy’n oedolion a’r gweithlu lleol.
Rhaglen Dysgu Cymunedol - Dysgu Gydol Oes
Yn y fenter gydweithredol hon gyda mudiadau cymunedol, mae Prifysgol Caerdydd wedi datblygu cyfres o ficro-gymwysterau i gynorthwyo dysgwyr o gymunedau difreintiedig i ganfod gwaith neu i gael lle mewn coleg neu brifysgol.
Micro-Gymwysterau Digidol ym Mhrifysgol Abertawe
Mae Prifysgol Abertawe wedi llwyddo i gyflwyno cyfres o fentrau micro-gymwysterau wedi’u hanelu at fynd i’r afael â’r bwlch sgiliau digidol ledled Cymru.
MSc Arfer Uwch a micro-gymwysterau
Â’r nod o gynnig cymorth i glinigwyr sy’n ymwneud â DPP, datblygodd Prifysgol Metropolitan Caerdydd lwybr micro-gymwysterau hyblyg i’w rhaglen Arfer Uwch ôl-raddedig sefydledig.
Ymagwedd strategol Prifysgol Bangor at ficro-gymwysterau
Mae Prifysgol Bangor wedi datblygu ymagwedd ddeublyg o integreiddio micro-gymwysterau o fewn ei fframweithiau academaidd a strategol craidd.
Os ydych chi am gyflwyno astudiaeth achos ar gyfer micro-gymhwyster, gallwch gysylltu â ni gan ddefnyddio’r ffurflen hon.
Gweminarau
Cardiau-post micro-gymwysterau o’r Gwledydd: digwyddiad rhannu arfer gyda ffocws ar ddatblygiad micro-gymwysterau ledled y DU
Roedd ein weminar ar 3 Mehefin 2025 yn cynnwys llawer o astudiaethau achos o amgylch y DU. Roedd y siaradwyr yn:
· Hannah Amos, Prifysgol Metropolitan Caerdydd
Cadeiryddodd Steve Osborne, o Brifysgol Metropolitan Caerdydd. |
MCSIG Crynodeb o'r digwyddiad
Dyddiad cyhoeddi: 06 Meh 2025
Arfer micro-gymwysterau: Persbectifau rhyngwladol i ategu datblygiad ar draws gwledydd y DU
Rhannodd ein siaradwyr arbenigol, Mary Bishop a Rupert Ward, rywfaint o’r gwaith y maent wedi bod yn rhan ohono. Cadeiriodd Steve Osborne drafodaeth banel, ac yna cynhaliwyd sesiwn holi-ac-ateb gan y cyfranogwyr.
Arfer micro-gymwysterau: Persbectifau rhyngwladol i ategu datblygiad ar draws gwledydd y DU
Dyddiad cyhoeddi: 18 Maw 2025
Mae QAA yn ddiolchgar i’r cydweithwyr canlynol am eu cyfraniad at y weminar:
- Yr Athro Mary Bishop, Cyfarwyddwr, Y Gymdeithas Feddygol Frenhinol
- Steve Osborne, Prif Ddarlithydd Cyflogadwyedd, Prifysgol Metropolitan Caerdydd
- Yr Athro Rupert Ward, Deon Cyswllt (Rhyngwladol) ac Athro Arloesedd Dysgu ym Mhrifysgol Huddersfield.
Arfer micro-gymwysterau: polisi a safbwyntiau o wledydd y DU (Digwyddiad a ariennir gan CCAUC)
Bydd y weminar gyntaf hon, a drefnir gan y Rhwydwaith mewn partneriaeth â QAA, yn rhannu tirweddau polisi cyfredol ar draws addysg uwch ac addysg bellach mewn micro-gymwysterau a dysgu cyrsiau byr ar draws pob un o wledydd cartref y DU. Bydd trosolwg byr o’r arferion cyfredol a’r datblygiadau polisi ym mhob un o wledydd y DU, ac yna trafodaeth banel gyda’r cynrychiolwyr.
Arfer micro-gymwysterau: Polisi a safbwyntiau o wledydd y DU
Dyddiad cyhoeddi: 16 Gor 2024
Mae QAA yn ddiolchgar i’r cydweithwyr canlynol am eu cyfraniad at y weminar:
- Steve Osborne, Prif Ddarlithydd Datblygiad Proffesiynol a Gweithlu, Prifysgol Metropolitan Caerdydd
- Yr Athro Laura Roberts, Athro Biowyddorau, Prifysgol Abertawe
- Michael Bower, Cyfarwyddwr Cynorthwyol, Iwerddon y Brifysgol Agored
- Jon Buglass, Is-Bennaeth Coleg Caeredin
- Yr Athro Annabel Kiernan, Dirprwy Is-Ganghellor - Academaidd, Prifysgol Swydd Stafford
Prosiect gwella sy'n archwilio arfer cyfredol yn mewn perthynas â micro-gymhwysterau
Cynhaliodd QAA brosiect gwelliant yn archwilio arfer cyfredol yn y sector mewn perthynas â micro-gymwysterau, gan adeiladu ar astudiaethau achos a ddatblygwyd gan CCAUC a gyhoeddwyd ym mis Rhagfyr 2022. Archwiliodd y prosiect y defnydd presennol o Ddatganiad Nodweddion Micro-gymwysterau QAA (cyhoeddwyd Mai 2022).
Wrth fynd ati i gynnal y prosiect, dosbarthodd QAA arolwg i bob un o'r darparwyr a oedd yn cymryd rhan (naw sefydliad AU a dau goleg AB) ac yn dilyn hynny cynhaliwyd cyfres o gyfweliadau gyda'r darparwyr hyn.
Roedd y sgyrsiau’n gyfle i archwilio rhai o'r dulliau yn fwy manwl; unrhyw heriau a ffyrdd yr eir i'r afael â hwy; y defnydd o Ddatganiad Nodweddion Micro-gymwysterau QAA ac a fyddai unrhyw ddiwygiadau iddo yn ddefnyddiol ar hyn o bryd; ac unrhyw feysydd eraill a allai fod yn werthfawr i'r sector eu harchwilio er mwyn gwella arfer.
Micro-gymwysterau: Arferion yn y sector addysg uwch yng Nghymru
Dyddiad cyhoeddi: 18 Rhag 2023
Weminars
Quality Assurance processes (24 May 2023)
Cynllunio micro-gymwysterau: Prosiect micro-gymwysterau rheolwyr chwaraeon ac
Dyddiad cyhoeddi: 14 Medi 2023
Micro-gymwysterau: Y Brifysgol Agored yng Nghymru
Dyddiad cyhoeddi: 14 Medi 2023
Ymarferoldeb cyflwyno (7 Mehefin 2023)
Sicrwydd ansawdd micro-gymwysterau ym Mhrifysgol De Cymru - gwaith sy’n mynd rhagddo
Dyddiad cyhoeddi: 14 Medi 2023
Micro-gymwysterau yng Nghymru Agweddau ymarfeol ar ddarpariaeth
Dyddiad cyhoeddi: 14 Medi 2023