Neidio i'r prif gynnwys Datganiad Hygyrchedd
Hafan Y Côd Ansawdd Côd Ansawdd y DU ar gyfer Addysg Uwch 2024 Cyngor a Chyfarwyddyd Côd Ansawdd - Cyngor a Chanllawiau - Egwyddor 1
Cyngor a Chyfarwyddyd

Egwyddor 1 - Mabwysiadu ymagwedd strategol at reoli ansawdd a safonau 

Mae darparwyr yn dangos bod ganddynt ymagwedd strategol at ddiogelu safonau academaidd, ynghyd â sicrhau a gwella ansawdd sydd wedi'i hymgorffori ar draws y sefydliad.

Mae'r egwyddor hon yn annog darparwyr i fabwysiadu ymagwedd strategol at reoli safonau academaidd ac ansawdd profiad myfyrwyr, dan oruchwyliaeth eu corff llywodraethu. Mae golwg sefydliad-cyfan o'r fath yn helpu i sicrhau bod yna ddulliau gweithredu dilys, systematig, sy'n seiliedig ar dystiolaeth, ar bob lefel o'r sefydliad, sy'n cynhyrchu gwybodaeth y gallant ei defnyddio i feithrin gwelliant a rhannu arfer da, yn ogystal â nodi a mynd i'r afael â materion sy’n codi. 

  

Mae'r cyngor a'r canllawiau hyn hefyd yn amlinellu sut y gallai'r darparydd weithredu gwahanol systemau ar gyfer sicrhau ansawdd a safonau. Y nod yw helpu darparwyr i ddatblygu neu wella eu dulliau strategol o ran ansawdd, yn ogystal â gwirio a yw eu systemau, ar y cyfan, yn alinio â gweddill y sector. 

  

Mae dulliau strategol o ran ansawdd a safonau yn destun adolygiad cyfnodol ac yn gweithredu o fewn fframwaith llywodraethiant sy'n caniatáu cynrychiolaeth briodol gan academyddion, staff proffesiynol a myfyrwyr.  

  

Isod, fe welwch grynodeb o bob arfer allweddol, ynghyd ag adnoddau, tablau a diagramau i'ch helpu i'w defnyddio.



Gallwch lawrlwytho tablau a diagramau sy'n addas ar gyfer cyflwyniadau 
Arfer Allweddol d: Mathau o randdeiliaid a dulliau cyfathrebu 

 

 

Arfer Allweddol f: Y cylchred cyfrifoldebau y mae darparydd yn gweithio trwyddo wrth ddefnyddio arbenigedd allanol 

 

Arferion Allweddol

Cyfrifoldeb y darparydd yw safonau academaidd ac ansawdd profiad dysgu myfyrwyr. Mae cyrff dyfarnu graddau yn ymwybodol mai nhw sy'n bennaf gyfrifol am y cymwysterau a gynigir yn eu henw. 

Mae'r arfer hwn yn atgoffa darparwyr i fod yn ymwybodol o'u cyfrifoldeb deuol i gynnal safonau academaidd ac ansawdd profiad dysgu myfyrwyr. 

  

Mae'r canllawiau hyn yn helpu darparwyr i gyflawni eu cyfrifoldebau dros safonau academaidd ac ansawdd trwy ddull systematig a strategol. Ynghyd â'r cyngor a'r canllawiau ar gyfer Egwyddor 8, bydd yn arbennig o ddefnyddiol i ddarparwyr sy'n ymrwymo i drefniadau partneriaeth neu'n eu gweithredu. 


Adnoddau

 


Defnyddir ymagwedd strategol ble bynnag a sut bynnag y caiff y ddarpariaeth ei chyflwyno, ac mae wedi'i gwreiddio yn niwylliant ac arferion darparwyr. 

Mae'r arfer hwn yn canolbwyntio ar weithredu ymagwedd strategol at ymdrin ag ansawdd a safonau. Gellir gwneud hyn trwy fynegi, cynllunio a gwreiddio'r dull ar draws diwylliant ac arfer o fewn darparydd ac ar draws unrhyw drefniadau partneriaeth, gydag ymgysylltu â myfyrwyr a rhanddeiliaid yn elfen allweddol yn ei lwyddiant. 


Adnoddau


Mae'r ymagwedd strategol yn alinio â pholisïau ac arferion darparwyr ynghylch tegwch, cydraddoldeb, amrywioldeb a chynhwysiant, ynghyd â chynaladwyedd amgylcheddol, i fyfyrwyr a staff. 

Mae alinio sicrhau ansawdd â gwaith o amgylch tegwch, cydraddoldeb, amrywioldeb a chynhwysiant (EEDI) a chynaladwyedd amgylcheddol yn helpu i sicrhau bod prosesau fel cymeradwyo’r cwricwlwm, gwelliant, recriwtio a dargadwedd hefyd yn cyfrannu at y gwaith hwn. 

  

Mae Arfer Allweddol hwn yn cynnig opsiynau i ddarparwyr feddwl am ddulliau strategol wedi'u teilwra i ymgorffori EEDI a chynaladwyedd amgylcheddol fel galluogwr allweddol ar gyfer cynnal safonau a gwella ansawdd. Mae'n trafod gweithredu a hyrwyddo, ac yn rhestru syniadau ar gyfer gweithgareddau parhaus i helpu darparwyr i wneud hyn. 


Adnoddau


Mae'r dull strategol o sicrhau safonau academaidd, sicrwydd ansawdd a gwelliant yn cael ei gyhoeddi, a’i gyfathrebu'n glir ac yn hygyrch i staff, myfyrwyr a rhanddeiliaid allanol. Fe'i cefnogir gan fframwaith llywodraethiant cynhwysfawr a thryloyw. 

Mae'r arfer hwn yn cynghori darparwyr i gyfleu eu dull strategol trwy reoliadau, polisïau a gweithdrefnau clir a chadarn, gan ddisgrifio'r prosesau maen nhw’n eu defnyddio i sicrhau ansawdd a safonau academaidd, yn ogystal â gwella profiad dysgu'r myfyrwyr. 

  

Mae'r arfer yn annog darparwyr i feddwl am anghenion eu cynulleidfa, sefydlu fframwaith cynhwysfawr ar gyfer llywodraethiant, a theilwra eu cyfathrebiadau ar gyfer ystod o wahanol randdeiliaid. 


Adnoddau


Mae'r dull strategol yn cael ei fonitro a'i werthuso'n rheolaidd. 

Mae'r arfer hwn yn cynghori monitro dull strategol darparydd yn gyfnodol er mwyn sicrhau ei fod yn cael ei weithredu'n llwyddiannus a'i ymgorffori ar draws y sefydliad. Mae hyn yn wahanol i'r prosesau monitro ac adolygu rheolaidd neu seiliedig ar risg ar gyfer darpariaeth cyrsiau (sy'n dod o dan Egwyddor 5 - Monitro, gwerthuso a gwella darpariaeth) ond mae'n awgrymu y gallai fod lle i gynnwys adolygiad o ddulliau strategol mewn systemau monitro a gwerthuso ehangach. 

 


Adnoddau


Mae arbenigedd allanol yn elfen allweddol o'r ymagwedd strategol at reoli ansawdd a safonau. 
Mae'r arfer hwn yn cynghori darparwyr i ymgorffori'r defnydd o arbenigedd allanol mewn gweithgareddau sicrhau ansawdd a gwelliant er mwyn rhoi golwg annibynnol ar safonau academaidd a chydymffurfiaeth ag arferion ehangach, fframweithiau sector a chyfeirbwyntiau. Mae'r cyngor hwn yn rhestru'r gwahanol ffyrdd y gellir defnyddio allanoldeb i sicrhau ansawdd a safonau academaidd. 

Adnoddau

Gweler yr holl Gyngor a Chanllawiau