Ar 1 Tachwedd 2021, daeth Vicki yn Brif Weithredwr QAA, ar ôl ymuno â'r Asiantaeth yn 2019 fel Cyfarwyddwr Gweithredol Gweithrediadau a Dirprwy Brif Weithredwr.

Cyn ymuno â QAA, bu Vicki yn gweithio yng Ngholeg St Hugh, Rhydychen, lle'r oedd hi'n Drysorydd (Prif Swyddog Gweithredu), yn un o gyfarwyddwyr Oxford Limited, St Hugh's Conferences, St Hugh's Estates ac yn un o gyfarwyddwyr sylfaenol NOSCS. Bu hi'n gweithio ym Mhrifysgol Birmingham hefyd fel Cyfarwyddwr Cynllunio Strategol, ac mewn rolau amrywiol ym Mhrifysgol Warwick ac Ysgol Fusnes Warwick. Cychwynnodd ei gyrfa mewn addysg uwch yn UMIST, lle bu'n gweithio ym maes recriwtio myfyrwyr rhyngwladol. Mae gan Vicki brofiad hefyd o weithio yn y sector masnachol a'r sector elusennol. Mae hi wedi rhedeg ei chwmni ei hun ac wedi bod yn gyfarwyddwr elusen yn gweithio gyda menywod a theuluoedd a effeithiwyd gan gam-drin domestig.

Cysylltiadau cyfredol â sefydliadau addysg uwch (ac eithrio gwaith cyflogedig):
Mae un o'i pherthnasau'n astudio ym Mhrifysgol Gorllewin Lloegr.

Cysylltiadau â chyrff proffesiynol a chyrff pwnc-benodol:
Mae hi'n aelod o Undeb y Prifysgolion a'r Colegau.

Ymunodd Alastair â QAA ar ddechrau 2020, ac mae'n gyfrifol am amrywiaeth o swyddogaethau, yn cynnwys: Aelodaeth a Gwasanaethau Gwella Ansawdd; Materion Rhyngwladol a Gwasanaethau Proffesiynol; Cymru, yr Alban a Gogledd Iwerddon; Sicrhau Ansawdd yn Lloegr; a Marchnata a Digwyddiadau. Mae hefyd yn arwain gwaith QAA o ymgysylltu â materion Ewropeaidd. Mae Alastair yn aelod o'r Tîm Gweithredol ac mae'n gweithredu fel Dirprwy Brif Weithredwr.

Hyd yn ddiweddar, Alastair oedd y Cyfarwyddwr dros Gymru, yr Alban a Gogledd Iwerddon yn QAA. Cyn ymuno â QAA, Alastair oedd y Cyfarwyddwr Sicrhau Ansawdd yn Healthcare Improvement Scotland, lle'r oedd yn gyfrifol am waith sicrhau ansawdd yn y GIG, ac am reoleiddio darparwyr gofal iechyd annibynnol. Cyn hynny, Alastair oedd Prif Swyddog Gweithredu a Chyfarwyddwr Gwaith Arolygu Education Scotland. Yn rhan o'r swydd hon, roedd yn gyfrifol am sicrhau annibyniaeth, ansawdd a darpariaeth holl waith craffu Education Scotland, o feithrinfeydd i ddarparwyr addysg bellach, ac roedd yn gyfrifol hefyd am gyfeiriad y gwaith hwn yn y dyfodol. Yn 2000, ymunodd Alastair ag Arolygiaeth Ei Mawrhydi dros Addysg fel Arolygydd Ei Mawrhydi, ar ôl gweithio ym maes Dysgu a Datblygu Cymunedol yn y sector awdurdodau lleol a'r sector gwirfoddol.

Yn 2019, daeth Caroline yn Gyfarwyddwr Cyllid i QAA, ar ôl gweithio fel Pennaeth Cyllid a Chynllunio. Mae hi'n gyfrifol am reoli cynlluniau ac adnoddau ariannol QAA ar lefel strategol.

Cyn ymuno â QAA, bu Caroline yn gweithio fel Pennaeth Cyllid i Karen Millen ac fel Cyfarwyddwr Cyllid i Nelson Thornes. Mae ganddi hefyd brofiad eang o weithio fel cyfrifydd ac archwilydd mewn nifer o wahanol sectorau diwydiannol. Graddiodd Caroline o Brifysgol Manceinion.

Mae Ailsa yn gyfrifol am reoli a darparu gwasanaethau a phrofiad aelodaeth QAA, a bydd yn goruchwylio'r gwaith o ddatblygu Cod Ansawdd Addysg Uwch y DU a safonau eraill y sector.

Ymunodd Ailsa â QAA yn 1998, ac mae wedi bod yn gweithio mewn nifer o swyddi, yn fwyaf diweddar fel Pennaeth Sicrhau a Gwella Ansawdd yn QAA Scotland. Mae wedi cyflwyno elfennau arloesol, megis y prosiectau 'Focus On' lle mae grwpiau o sefydliadau'n gweithio â'i gilydd i wella polisïau ac arferion. Bu Ailsa yn gweithio i ragflaenydd Prifysgolion yr Alban, ac ym Mhrifysgol Robert Gordon. Graddiodd mewn Economeg a Gwleidyddiaeth ym Mhrifysgol Aberdeen. Yn fwy diweddar, mae wedi datblygu diddordeb mawr mewn ysgrifennu creadigol, ac mae ganddi radd PhD mewn Llenyddiaeth Saesneg o Brifysgol Glasgow. Hefyd, enillodd ddiploma ôl-raddedig mewn Rheolaeth.

Ymunodd Rob â QAA ym mis Ionawr 2022, ac, ar hyn o bryd, mae'n arwain swyddogaeth yr Asiantaeth fel y corff sicrhau ansawdd dynodedig yn Lloegr.

Cyn hynny, roedd yn Bennaeth Ymadael â'r Farchnad yn y Swyddfa Myfyrwyr, yn gweithio ar brosesau a phrosiectau yn ymwneud â diogelu myfyrwyr. Yng Nghyngor Cyllido Addysg Uwch Lloegr, ffurfiodd yr Uned Gwybodaeth Darparwyr Amgen ac fe'i harweiniodd ar y cyd ag Adran Addysg Llywodraeth y DU. Yn y gwaith hwn byddai'n ymgysylltu â darparwyr ar amrywiaeth o faterion rheoliadol a materion eraill, megis cyllido, data ac ansawdd. Mae ganddo brofiad hefyd ym meysydd polisi cyllido addysg, a chynllunio a gweithredu systemau i reoli nifer y myfyrwyr.

O'i rolau cynharach ym Mhrifysgol Gorllewin Lloegr ac Undeb y Myfyrwyr Prifysgol Gorllewin Lloegr mae gan Rob gefndir mewn polisïau ac arferion yn ymwneud â phrofiad myfyrwyr.

Mae Tom yn arwain y Tîm Llywodraethu a'r Swyddfa Weithredol, ac ef yw Ysgrifennydd Cwmni QAA. Mae cyfrifoldeb ganddo hefyd am y tîm Polisi a Chyfathrebu a'r tîm Marchnata a Digwyddiadau.

Hyfforddodd Tom fel ymgynghorydd rheolaeth a strategaeth yn Llundain a Chicago, a gweithiodd yn bennaf i gleientiaid yn y sector cyhoeddus, yn ogystal â gweithio mewn rôl fewnol yng nghwmni cyfreithwyr Freshfields. Yn 2005, ymunodd â'r Gwasanaeth Sifil, lle gweithiodd mewn cyfres o rolau yn ymwneud â pholisïau cystadleuaeth, ynni a newid hinsawdd, a nifer o rolau mewn cyfathrebu yn cynnwys swyddog y wasg a chyfansoddwr areithiau gweinidogol. Roedd yn arweinydd gwariant yn Nhrysorlys ei Mawrhydi adeg Adolygiad Gwariant 2010. Ei rôl derfynol yn Whitehall oedd ei waith i UK Government Investments, sef canolfan ragoriaeth Llywodraeth y DU mewn llywodraethu corfforaethol a chyllid corfforaethol. Yn 2017, derbyniodd swydd Is-lywydd (Strategaeth) yn Labordy Niwclear Cenedlaethol y DU, cyn iddo ymuno â QAA ym mis Ebrill 2020.