Cylchlythyr CL06/09

Rhif	CL06/09
Pwnc	Llawlyfr drafft ar gyfer y broses adolygiad sefydliadol ddiwygiedig i addysg uwch yng Nghymru o 2009-10
Dyddiad cyhoeddi	15 Mai 2009
Derbynwyr	Penaethiaid sefydliadau addysg uwch yng Nghymru; Addysg Uwch Cymru; Cyngor Cyllido Addysg Uwch Cymru (CCAUC); APADGOS; Estyn; Undeb Cenedlaethol Myfyrwyr Cymru; Penaethiaid colegau addysg bellach yng Nghymru
Gwybodaeth bellach	Julian Ellis
Dyddiad ymateb	Dydd Llun 29 Mehefin 2009
Ymatebion i	j.ellis@qaa.ac.uk
Atodiadau	Llawlyfr drafft ar gyfer adolygiad sefydliadol: Cymru (yn Saesneg yn unig)

Annwyl Gyfeillion

Llawlyfr drafft ar gyfer y broses adolygiad sefydliadol ddiwygiedig i sefydliadau addysg uwch yng Nghymru o 2009-10

Ym mis Medi 2008, cyhoeddodd CCAUC ddogfen ymgynghori ar yr egwyddorion craidd, y gofynion cyffredinol a'r nodweddion allweddol sydd i gael eu mabwysiadu ar gyfer yr Adolygiad Sefydliadol o 2009-10 (W08/31HE, mae ar gael ar wefan CCAUC). Yn dilyn yr ymgynghoriad, cytunodd Gweithgor Ansawdd CCAUC ar gyfres o argymhellion i ASA eu hystyried wrth ddatblygu'r broses adolygiad sefydliadol ddiwygiedig.

Rwy'n ysgrifennu nawr i geisio eich barn am y llawlyfr drafft sydd wedi'i amgáu ar gyfer y broses adolygiad sefydliadol ddiwygiedig.

Dyma'r prif newidiadau i'r broses gyfredol:

Mwy o ffocws ar wella cyfleoedd dysgu i fyfyrwyr (paragraffau 39-42 ac Atodiad G).
Cyflwyno adolygwyr myfyrwyr (paragraffau 44-46 ac Atodiad H).
Ystyried safonau a chanllawiau Ewropeaidd ac arweiniad arall sy'n ymwneud ag arferion Ewropeaidd neu ryngwladol eraill (paragraffau 6 a 27).
Cyflwyno rhaglen dreigl o adolygiadau (paragraff 9 ac Atodiad J).
Symud at ddull wedi'i seilio ar risgiau, gyda'r amser rhwng yr adolygiadau wedi'u gostwng lle cafwyd barn o ddim hyder neu hyder cyfyngedig (paragraffau 10, 75-78 ac Atodiad E).
Mwy o rôl i'r hwylusydd sefydliadol (paragraffau 51-52 ac Atodiad I).
Mwy o ffocws ar raglenni graddau ymchwil (paragraffau 37-38).
Dwy feirniadaeth ar wahân, 'un am ansawdd a'r llall ar safonau academaidd dyfarniadau' yn lle un feirniadaeth am 'ansawdd a safonau' (paragraff 14).
Opsiwn o datganiad myfyrwyr blynyddol gan gorff cynrychioli'r myfyrwyr, i ategu cyflwyniad y myfyrwyr ar gyfer yr adolygiad sefydliadol (Atodiad F).
Cyflwyno adolygiad cydweithredol hybrid ac arwahanol i'r broses adolygiad sefydliadol (paragraff 7 ac Atodiadau M-Q).

Bydd fersiwn y llawlyfr a fydd wedi'i gytuno'n derfynol ar gael yn ddwyieithog.

Fyddech chi cystal ag anfon unrhyw sylwadau sydd gennych ar bapur neu'n electronig, yn ôl eich dewis chi. Dylech anfon bob ymateb at fy nghydweithiwr, Julian Ellis (j.ellis@qaa.ac.uk) yn ASA, Southgate House, Southgate Street, Caerloyw GL1 1UB. Unrhyw sylwadau i gyrraedd erbyn Dydd Llun Mehefin 29 2009 fan bellaf os gwelwch yn dda.

Yn gywir

Peter Williams
Prif Weithredwr