Mae'r dudalen yma'n disgrifio sut y byddwn yn gwirio trefniadau sicrhau ansawdd addysg uwch yng Nghymru.
Beth ydyw
Rydym yn defnyddio adolygiad sefydliadol i adolygu pa mor effeithiol y mae'r sefydliadau addysg uwch yng Nghymru'n rheoli ansawdd a safonau eu darpariaeth academaidd o 2009-10. Mae adolygiadau'n digwydd ar raglen dreigl a chânt eu gweithredu gan dîm o bum adolygwr.
Cyhoeddir adroddiad ar adolygiad bob sefydliad. Mae'r adroddiadau'n cynnwys sylwadau ynghylch yr hyder y gellir ei roi yn systemau sicrhau ansawdd y sefydliad ei hun. Maent hefyd yn cynnwys y nodweddion sy'n arferion da a'r argymhellion ar gyfer gweithredu ymhellach. Fel rhan o'n Cynllun Iaith Gymraeg, cyhoeddir pob adroddiad yn y Gymraeg a'r Saesneg.
Sut mae'n gweithio
Mae gan holl aelodau'r timau adolygu brofiad diweddar o reolaeth academaidd a sicrhau ansawdd mewn addysg uwch yn y DU. Mae'r timau'n edrych ar wybodaeth a ddarperir gan y sefydliad a gan ei fyfyrwyr, ac yna'n ymweld â'r sefydliad dros gyfnod o wythnos pan fyddent yn cyfarfod â'r staff a'r myfyrwyr.
Mae'r tîm hefyd yn defnyddio pwyntiau cyfeirio safonol, sef y Seilwaith Academaidd. Mae'r Seilwaith Academaidd yn gyfrwng i osod trothwy disgwyliadau gofynnol ledled y DU. Mae'n cynnwys:
- y Cod ymarfer
- datganiadau meincnod pynciau
- y fframweithiau ar gyfer cymwysterau addysg uwch
- manylebau rhaglenni
- Ffeiliau Cynnydd
- canllawiau ar achredu dysgu blaenorol
Gwybodaeth fanwl
Mae gwybodaeth fanylach am yr Adolygiad Sefydliadol yn y dogfennau canlynol:
Llawlyfr adolygiad sefydliadol: Cymru (Ail argraffiad)
Nodwch, os gwelwch yn dda, bod un gywiriad wedi'u gwneud i'r Llawlyfr ar Fawrth 3 2010. Mae dyddiad cyhoeddi'r adroddiad adolygu wedi'i newid ar dudalen 51 i ‘24 wythnos ar ôl’.
Adolygiad Sefydliadol: arweiniad ar gyfer cynrychiolwyr myfyrwyr (PDF)
Canllawiau bach: arweiniad byr i fyfyrwyr am yr Adolygiad Sefydliadol (PDF)
Gwybodaeth arall
Adolygiad datblygiadol o addysg uwch a ddarperir mewn sefydliadau addysg bellach: Cymru
Canllawiau ar gyfer sefydliadau addysg uwch yng Nghymru ar gyfer arferion effeithiol wrth arholi ac asesu mewn iaith heblaw iaith y dysgu
Mynediad i addysg uwch
Ein gwaith yng Nghymru
Canlyniadau o Adolygiad Sefydliadol
Fel rhan o'n gwaith gwella, rydym wedi cyhoeddi cyfres fer o bapurau Canlyniadau o Adolygiad Sefydliadol, sy'n defnyddio canfyddiadau'r adroddiadau Adolygiad Sefydliadol. Mae'r gyfres yn cynnwys y 12 adroddiad adolygiad a gyhoeddwyd rhwng 2004 a 2009.
Archif
Adolygiad sefydliadol yng Nghymru: arweiniad ar gyfer cynrychiolwyr myfyrwyr - Fersiwn PDF
Llawlyfr adolygiad sefydliadol: Cymru - Fersiwn PDF
Top